مكياج حسب أشكال العيون

العين لها رسومات وأشكال وأحجام وآلوان مختلفة فهناك العين البنى الغامق وهناك الأسود و الاخضر و الازرق و العسلى ومن عيون ضيقة  وواسعة وجاحظة ومسحوبة و مستديرة ولهذا تختلف مكياج العين من شكل إلى آخر حتى نظهر جمال العين ونحسن من مظهرها وليس لإبراز عيبها مثلا ولذلك تحدثت خبيرة التجميل نانيس سليم عن مكياج العيون ومشبه لكل عين بعين أحد المشاهير  حتى يسهل التميز بين أشكال العيون المختلفة ...    

1- العين الواسعة
مثل عين الممثلة منى زكى: تعتبر من اجمل عيون فهى عين جريئة وجذابة وعيون تنور الوجه و دائما صاحبة لها حواجب تقيلة و عريضة والجفن كبير

الماكياج المناسب لهذه العيون: مساحة الجفن يناسبها أن يترسم فيها آى شادو كتير كل الالوان و الرسومات مثل شكل السمكة المسحوبة والسموكى بالاسود والآى لاينر وممكن رسمة بالاقلام الملونة زى الاخضر و الازرق من فوق و من تحت ولازم نحط ماسكرا تكثيف وتطويل مع بعض لونها اسود ولاتتناسب الوان آخرى لانها لن تظهر مع العين الواسعة

2- العين الضيقة

مثل عين الممثلة ياسمين عبد العزيز: من اصعب العيون فى المكياج لانها لايناسبها رسومات كتير

الماكياج المناسب للعين الضيقة: لازم تكون رسمة بسيطة وبتحتاج مجهود كبير عشان تظهرها والوان الآى شادو ولازم نحطلها الوان فاتحة زى الروز والبيج والبيستاج وخط آى لاينر او قلم اسود من فوق العين لكى توسعها ونوعين من الماسكرا على أن تكون أحدهما ماسكرا تكثف و آخرى تطول عشان توسع وتبين شكل العين أكبر

3- العين المستديره

مثل عين الممثلة غادة عادل: فى الغالب الحاجب بيكون قصير وتظهر العين بشكل عين حائرة وبتتحرك و بتلف فى كل مكان

الماكياج المناسب لعين المستديرة: وهنا لازم نسحب العين لبرة بقلم الكحل ونضع الاى لاينر فوق خط الرموش علي طول لحد آخر العين ونستخدم ماسكرا بتطول الرموش و نحط قلم يطول الحاجب  واما الالوان فلازم تكون غامقة مثل اللون الاسود والبنى فوق الجفن علطول فى خط مستقيم و توزيع درجات افتح تحت منطقة الحاجب

4- العين المسحوبة

مثل عين المغنية اصالة: هذه العين مسحوبة وضيقة وتحس انها عين نايمة شوية وتعطى احساس بالغموض

الماكياج المتناسب معها: يتناسب معها الوان غامقة تحت الرموش السفلية كخط تخين مثلا من اللون البنى و الازرق والموف الغامق واما اللون الاسود يوضع من داخل العين فقط وبنزود زاوية العين بالآى لاينلر والقلم الاسود ويرسم العين لبرة و يخفى سحبتها و نضع ماسكرا كثافة عالية عشان تفتح شكل العين واما الالوان لشادو فبتبقى غامقة فوق الرموش و بتتدرج كالاورانج و البيج والاوكسوديه و الذهبى

5- العين الجاحظة

مثل عين الممثلة نبيلة عبيد: هذه العين جفنها صغير لكن المساحة فوقه كبيرة والعين بارزة لبرة وبتحتاج لدقة فى رسمتها و مينفعش اى قلم من تحت العين ويتناسبها من داخل العين قلم اسود من تحت الرموش اللى فوق لكى يضيق العين قليلا والبروز اللى فيها ونستعمل ماسكرا للتطويل فقط ونسحب الآى لاينر من آخر العين لبرة لتخفيف وسعها والآى شادو نستخدم كل الالوان الغامقة بخط تخين وواضح فوق الرموش مباشرة وباقى الجفن الوان فاتحة